Por qué Windows non

Windows y Office funcionen bien — entós ¿Por qué esmoleceme por ellos?

Restricciones

Una copia llegal de Windows ye cara, pero ¿qué obtienes? Windows y Office nun se venden, namái obtienes una llicencia.

Pa usar estos productos, tenemos qu'aceutar delles restricciones mui fuertes. Na mayoría de les llicencies de Windows, nun pues caltener el software cuando cambies d'equipu. A vegaes nin siquier pues regalar el software. Microsoft imponte quién pue usar el software, en qué ordenador y pa qué propósitos; la llista de restricciones ye llarga y n'ocasiones aberrante.

Lleer más

Ensin alternativa

El software tendría de venir ensin mecanismos de bloquéu.

¿Por qué los documentos d'Office son tan difíciles d'esportar? ¿Por qué los sos formatos tán camudando de contino? ¿Por qué nin siquier pues desinstalar dalgunos programes? Si busques el control, los productos de Microsoft nun son pa ti.

Lleer más

Ensin códigu fonte

El códigu fonte (los detalles del funcionamientu d'un programa) de Windows y Office tán anubríos, y arriendes naide tien permisu llegal pa pescudar cómo funcionen.

Si nun tienes drechu a inspeccionar el códigu fonte (la descripción del funcionamientu d'un programa), nun pues pedi-y a un informáticu que modifique'l software nin qu'evalúe cómo'l software protexe la to privacidá.

Y aldovina qué: Nel software onde'l códigu fonte ta disponible, los programes maliciosos (como los virus) nun algamen el so oxetivu, ye dicir, equí la seguridá nun se merca per separtao. La industria de los antivirus, na que Microsoft xuega un papel crucial, prefier que tu uses Windows.

Lleer más

La importancia d'una sociedá llibre

Una sociedá llibre necesita software llibre. Necesita la llibertá pa inspeccionar el software, deprender d'élli, y camudalu d'acordies a les sos necesidaes.

Los ordenadores úsense pa compartir idegues, cultura ya información. Ensin estes llibertaes sobro'l software, tamos en riesgu de perder el control sobro lo que compartimos.

Esto yá ta asocediendo anguaño. Dende teunoloxíes evidentemente cafiantes como la Xestión Dixital de Restricciones DRM fasta les dafechu espantoses como la Computación confiable Trusted Computing. El drechu que tien cualesquiera de participar na cultura ta viéndose amenaciáu.

Si tienes que refugar de la to llibertá pa usar un software, entós seique nun teas lleu con él.

Lleer más

Munches persones danse cuenta de que Windows, un software que nun tien res d'especial, quíta-yos tantos drechos que nun paga la pena l'usalu. Y Mac OS nun ye muncho meyor.

Si te llama l'atención el software llibre, seguramente querrás pasate a Linux.