Como misinterpretar le software libere

Cinque ideas false super le software libere, corrigite.

1. Le industria de software non pote continuar si le programmatores non es pagate.

Let's begin with one simple fact: free software programmers do like to get paid, and all need to buy lunch at some time.

Con le concepto de software libere, nos vole mitter le emphase sur libertate, non precio. Tu pote pagar pro obtener software libere (o "open source" 1), le qual tu pote alora studiar, modificar e copiar secundo voluntate.

Como functiona? Pensa assi: software es solmente codice, codice es solmente mathematica. Considerante software como mathematica utile, un linguage elaborate, e non como proprietate ordinari, il non ha ration de limitar su uso per alteres.

Como le mathematica (nemo pote esser proprietario de un equation), le software require cognoscentia avantiate pro esser adaptate, meliorate e applicate correctemente. Ecce le modo in que le programmas generalmente gania moneta: multe clientes, particularmente companias, es disposite a pagar pro regular actualisationes de securitate e meliorationes de software.

Le companias de software libere beneficia de un systema de disveloppamento multo decentralisate con un grande numero de contributores voluntari. Le profitos in le industria de software libere pote esser minor que illos in le proprietari, ma es nullemente negligibile. Al fin, le usatores individual generalmente recipe le software libere sin costo.

Le software libere non se concentra a eliminar le incentivos pro le programmatores. Illo se concentra a reguardar codice como cognoscentia que non debe esser celate del usator. Illo functiona con un altere modello de negotios, in le qual multe companias jam functiona ben.

2. Innovation es eliminate in software libere.

Le perception commun es que, si omnes pote copiar ideas, le innovation essera suffocate.

In facto, libertate es frequentemente le clave al software innovator e ben succedite.

  • Omne persona es autorisate e incoragiate a laborar a illo;
  • Multe personas es disposite a participar;
  • Il non ha necessitate de re-inventar alcun cosa, le ideas pote esser meliorate directemente.

Le software non proprietari excelle in multe areas: considera, per exemplo:

  • Applicationes: Firefox (navigator del web), Inkscape (designo vectorial).
  • Systemas complete: Apache (servitor web), OpenBSD (systema de operation), e naturalmente GNU/Linux.
  • Formatos e protocollos: HTML (paginas web), BitTorrent (excambio de files), ODF (documentos de officio).
  • Applicationes de servitor: Drupal (systema de gestion de contento), Wordpress (blog).

3. Software deberea simplemente functionar (qui se preoccupa del codice-fonte?)

Omnes deberea preoccupar se de si lor software es libere.

Imagina comprar un auto de que te es prohibite aperir le coperculo del motor. Non importa si tu sape como un auto functiona; le puncto es que nemo pote controlar le motor. Como es possibile haber confidentia in un auto, si nemo pote assecurar que es digne de fide, non ha un fuga, non es nocive al societate e al ambiente?

Le idea es le mesme con software; ma codice face multo plus que mover autos. Software face functionar nostre computatores, telephonos, televisores, reproductores multimedial e altere cosas; es portator de information e de nostre cultura.

Software libere es tanto importante como le parola libere, como le mercato libere. Si software es libere, le usatores possede le controlo e le libertate super illo.

Le bon novas es: le software libere "simplemente functiona" tamben. E in facto, illo sovente "simplemente functiona melio". Insere un liveCD de GNU/Linux in tu computer quando tu lo connecte, pro essayar un systema complete e ben organisate, sin installation... e forma le tue proprie judicamento.

4. Le software libere non respecta le copyright e le patentes de software.

Pro responder correctemente, nos debe primo facer un clar distinction inter copyright e patentes. Le copyright es un derecto concedite al autor super su creation (per exemplo le texto de un libro o le codice-fonte de un programma). Un patente, per contrasto, es un controlo comprate, registrate e exclusive super un processo, le application de un idea.

Copyright es multo importante in software libere. Illo es le mechanismo central pro le Licentia Public General de GNU, assecurante que le software libere resta libere, e que le autores es recognoscite pro lor labor. Programmas es subjecte a copyright, non importa si illos es libere o proprietari.

Omne autor de software proprietari pote facilemente verificar que su derecto de autor non es violate in un programma de software libere, perque le codice-fonte es a su disposition immediate.

Le patentes in software, al altere latere, es un concepto multo controverse. Pro dicer lo brevemente: il non existe tal cosa como un "software patentate". Con le registration de un patente, nonobstante, on pote devenir proprietario de un processo. Le patente postea es applicabile a tote le software que usa iste processo, sia proprietari sia libere.

Le patentes de software:

  • Es costose e es concedite solmente plure annos post application;
  • Es limitate geographicamente (un patente concedite in le Statos Unite es sin valor in Europa);
  • Ha un longe vita (sovente 20 annos) in un industria dynamic;
  • Sovente tracta de processos absolutemente trivial.

Como tales, illos es rarmente usate pro beneficiar innovatores (e in facto, rarmente usate per le innovatores illes mesme).

Securmente, omne pecia de software de grandor medie viola alcun patentes, in plure paises, non importa si es libere o non.

Dependente del capacitate del holding de coperir enorme costos legal, o de retaliar con altere litigation de patentes, derectos de autor e restrictiones pote esser exigite super iste patentes.

5. Programmatura libere es como le communismo.

Le adherentes de iste idea dice que le possession private non pote exister con software libere (o "open source" 1). Pro responder a isto, ecce un exemplo.

Imagina usar un application de software libere, in casa e intra vostre interprisa. Vos trova un optime maniera de meliorar lo, e ora, con vostre version modificate, vostre computator functiona melio e vostre fabricas torna duo vices plus rapidemente!

Iste version modificate es vostre proprie version. Vos non es obligate a mentionar lo a alcun persona, ni de divider alcun profito que vos realisa usante lo. Vos simplemente exeque vostre libertate de usar e modificar le software libere.

Nonobstante, si vos redistribue iste software, le licentia de software libere exige que vos lo mantene libere. A saper, si vos vende CDs includente vostre software, o permitte que personas foras de vostre casa o interprisa lo usa, vos debe facer un del sequente cosas:

  • O dar a omnes le mesme derectos que vos recipeva quando vos obteneva le software original, isto es, le libertate de inspectar, modificar e redistribuer vostre version modificate;
  • O separar clarmente le software original de vostre addition secrete (isto es, vostre addition debe continer nihil del obra original).

Dunque, in facto, vos ha plus de "proprietate" super le software libere que super le software proprietari, de que le programmatores decide omne cosa que vos pote e non pote facer con illo.

Le software libere ha nihil a facer con alcun systema politic. Vos pote executar le software libere super un base de software proprietari, tanto ben como le inverso. Le licentia de software libere es simplemente un contracto legal e ethic inter le programmator e le usator final.

Lege plus:

Le software libere / "codice aperte" non pote esser secur.

Un argumento commun dice que le codice-fonte de software libere es minus secur a causa de esser disponibile publicamente.

Responsa curte: Le majoritate del servitores internet executa software libere. Il se tracta del grande computatores del rete que tene information sensibile o confidential como vostre detalios bancari o secretos commercial.

Un responsa plus precise es que le disponibilitate de codice-fonte es un garantia de securitate, non un debilitate. Le libertate del software assecura que un communitate multo large pote inspectar, verificar e meliorar lo. Un bon serratura es secur perque le technologia usate pro conciper lo es aperte, ben que solmente le possessor del clave pote aperir lo. Le mesme principio es applicabile pro software.

Exemplos? Considera le navigator del web Firefox, le servitor web Apache, le systema de cryptation OpenPGP, o le systema de operation OpenBSD. E il non ha spyware ni viruses sub GNU/Linux.

Io non pote obtener adjuta pro software libere.

Non es ver.

  • Il existe multe bon foros de documentation e supporto pro assister vos in le uso del software libere ("open source").
    Cata distribution de GNU/Linux ha su proprie communitate (per exemplo, Ubuntu support o Fedora docs), ma il ha anque communitates general pro adjuta con software libere, como LinuxQuestions.org.
  • Si vos ha besonio de poter telephonar un persona quandocunque pro assister vos, le interprisas que publica le major parte del distributiones forni supporto commercial: vide le paginas Ubuntu Commercial Support o Red Hat Enterprise Linux pages, per exemplo.

Ulterior lectura sur le web

The GNU project

Isto es le loco de conception del software libere. In iste sito se trova un tresor de information sur le philosophia del software libere, le historia del projecto, e le positiones prendite per le Fundation pro Software Libere (le organisation creator de GNU).

The FLOSS concept booklet

Le concepto del Software Libere / Open Source presentate in modo ben legibile e cordial. Lectura obligatori.

The OpenDocument Fellowship

Un sito web clar e simple sur le formato libere OpenDocument, monstrante le importantia del libertate in formatos (e non solmente in programmas).

Free Software and Free Knowledge

Un articulo passionate del co-fundator de Wikipedia Jimmy Wales, le qual monstra le connexiones inter le software libere e le cognoscentia libere.

  1. ^ a b Lo que nos appella hic le "Software Libere" es anque appellate sovente le "Software Open Source". In le senso practic, le requisitos de istes es identic, ma considerante que le termino "open" (aperte) non appella al idea de libertate, illo perde le puncto. Lege nostre entrata del FAQ: Esque "Open Source" e "Software Libere" es le mesme cosa?.