Proque non Windows?

Windows e Office functiona multo ben. Proque preoccupar se?

Restrictiones

Un exemplar legal de Windows es costose, ma que obtene tu in realitate? Windows e Office es licentiate, non vendite.

Usar iste productos necessita declarar se de accordo con plure restrictiones sever. Pro le major parte del licentias de Windows, es interdicite retener le software quando on cambia de hardware. A vices on non mesmo pote donar le software a un altere persona. Qui pote executar le software? In qual computator? Que pote on facer con illo? Le lista de restrictiones es longe e alcunes es ultragiose.

Lege plus

Que dicer de election?

Le software deberea esser libere de serraturas.

Proque le documentos de Office es tanto difficile a exportar? Proque le formatos de file cambia continuemente? Proque vos non mesmo pote disinstallar alcun programmas? Pote esser que, si vos cerca le election libere, le productos de Microsoft non habera vostre preferentia.

Lege plus

Nulle codice fonte

Le codice fonte de Windows e Office es celate, pro non permitter a alcuno de comprender como iste programmas functiona.

Si vos non pote obtener le derecto a inspectar le codice fonte (le functionamento interne de un programma in forma legibile pro humanos), vos non pote cargar alcuno de corriger errores, ni evalutar como le programma protege vostre vita private.

Considera isto: in software que veni con codice fonte, le viruses e spyware non es effective, e le securitate non es un option extra a comprar. Le industria de programmas anti-virus, in le qual Microsoft hodie es un participante de significantia, prefere que vos usa Windows.

Lege plus

Mantener un societate libere

Un societate libere require software libere. Non importa si vos paga pro le software o non: lo importante es le libertate a inspectar, comprender e modificar le programmas que vos usa.

Le computatores es usate pro excambiar ideas, cultura e information. Sin iste libertates sur le software, nos curre le risco de perder le controlo sur lo que nos excambia.

Isto occurre jam hodie. Inter technologias simplemente enoiose como Digital Restrictions Management (DRM) e illos espaventante como Trusted Computing, le possibilitate de omnes a participar in le cultura es menaciate.

Si vos debe renunciar a vostre libertates pro usar un programma, forsan vos non deberea esser felice con isto.

Lege plus

Multe personas trova que Windows, un programma que functiona ben in se, subtrahe tante derectos del usator que il non vale le pensa usar lo. E Mac OS non es multo melior.

Si vos trova le software libere attractive, forsan vos vole essayar Linux.

Cambiar a Linux

Ubi discargar e como comenciar con Linux?