Que dicer de codice-fonte?

Le codice-fonte detalia le maniera de que un programma functiona (isto es lo que le programmatores scribe). Sin illo, nemo pote comprender como le programma es construite. Non importa si tu non sape leger codice: le disponibilitate o non-disponibilitate de illo affecta directemente omne usator.

Nemo pote reguardar intra

Windows veni sin codice-fonte. In ultra, tote le usatores debe obedir al condition de licentia que dice:

Vos non pote facer ingenieria inverse, discompilar o disassemblar le software.

Isto vole dicer que il es illegal discoperir como Windows o Microsoft Word es concipite, o mesmo tentar facer lo. Il etiam te es interdicite modificar le programma pro alcun scopo.

Iste interdiction in le licentia assecura que Microsoft resta le unic organisation que comprende como su productos functiona. Windows es como un auto que solmente le fabricante original pote reparar.


On poterea dicer, "Como cambia io iste recepta pro eliminar le sal?" e le grande chef de cocina responde, "Como osa tu insultar mi recepta, le infante de mi cerebro e de mi palato, tentante toccar lo sin autorisation? Vos non ha le judicamento de cambiar mi recepta e meliorar lo!"

Tu pote haber confidentia in software libere

Non es un surprisa que le software proprietari es gravemente mancante quanto al securitate, in comparation con software con codice-fonte liberemente disponibile (como GNU/Linux).

Software libere significa que programmatores pote cambiar le codice pro reparar defectos. Significa que tu pote pagar un programmator pro realmente verificar le securitate de tu software. Significa que tu beneficia del contributiones de un communitate mundial que meliora le securitate e le fidelitate. Dece-cinque milliones de usatores executa GNU/Linux sin anti-virus, in securitate complete. E le servitores que actiona motores de recerca e bancas lo executa tamben.

Codice-fonte es le recepta de software. Como meliorar un repasto con troppo de sal si on te interdice de examinar le recepta usate pro preparar lo?

Le uso de Windows e Office require que nos non demanda ni cerca le fonte del software. Solmente le programmatores de Microsoft pote modificar tu programma.

In que prefere tu investir confidentia: in le pacchetto que on te interdice de studiar, o in le pacchetto con recepta?