What about source code?

El códigu fonte detalla la forma na qu'un programa trabaya (de fechu, ye lo que los programadores escriben). Ensin ésti, nun se pue atalantar cómo ta fechu un programa. Nun importa si tu nun lu atalantes: El tar disponible o non afeuta direutamente a cualesquier usuariu.

Naide pue saber qué hai dientro

Windows vien ensin códigu fonte. Ye más, al usalu, tienes qu'atenete al términu de la llicencia que diz:

Nun podrás facer inxeniería inversa, decompilar o desensamblar el software.

Asina que ye illegal descubrir cómo funcionen Windows o Microsoft Word; hasta intentalo ye illegal. Tamién te prohibe modificar el programa pa cualesquier propósitu.

Esta restricción na licencia ye p'asegurase que Microsoft permaneza como la única organización qu'entiende cómo funcionen los sos productos. Windows ye parecíu a un coche au namás al fabricante orixinal se-y permite da-y serviciu.


Pue que digas, "¿Cómo faigo pa camudar la receta y facer la comida menos salao?" y el maraviosu chef retruque: "¿Cómo t'atreves a insultar la mio receta, la mio intelixencia y el mio paladar, tratando d'alteriala? ¡Tu nun tás na posición de camudar la mio receta y facer que seya bona!"

Richard Stallman, Por qué el software tendría de ser llibre

Pues enfotate nel software llibre

Nun resulta una sospresa que'l software privativu tea tan mal en términos de seguridá, comparáu col software que tien el so códigu fonte disponible (incluyendo a GNU/Linux).

Col software llibre los programadores puen camudar el códigu pa iguar defeutos. Significa que pues contratar a un informáticu pa verificar que'l to software ye daveres seguru. Significa que pues beneficiate de les contribuciones d'una comunidá mundial que meyora la seguridá y la fiabilidá del software, constantemente. Quince millones d'usuarios usen GNU/Linux ensin antivirus, y tán a salvu. Asina como los sirvidores de los motores de gueta y los bancos usen GNU/Linux tamién.

El códigu fonte ye la receta del software. ¿Cómo vas poder ameyorar una comida pa facela menos salada si te prohiben l'accesu a la receta cola que se fizo?

L'usar Windows y Office nun dexa que pidas o guetes el códigu fonte del software. Namái Microsoft pue modificar el to programa.

¿En cuál vas enfotate, nel software que nun se pue inspeccionar o nel que vien cola so receta?