Questiones plus frequente

Nostre pagina sur GNU/Linux coperi le information essential. Nos spera que iste FAQ pote adjutar si tu es plus curiose.


Questiones general

Esque il ha differentia inter "GNU/Linux" e "Linux"?

Vos alterna continuemente un termino con le altere. Proque?

Originalmente, Linux refere a un componente essential (appellate le kernel o nucleo) que va intra le systema GNU. Lo que le usatores executa hodie es, pro esser precise, "distributiones del systema GNU/Linux".

Il non es surprendente que le parola "Linux" deveniva multo plus popular in le practica. In general, on appella le totalitate del systema "Linux", simplemente. Ma isto causa multe controversia.

Technicamente, il es multo plus accurate appellar le systema GNU/Linux (le usatores usa multe "GNU" e un poco de "Linux") ma anque philosophicamente: le fortia e impulso del movimento de software libere comenciava con le le projecto GNU e es ancora ducite per illo.

Appellar le systema Linux es plus practic e attrahente pro usatores de computator qui sovente crede que Windows es le sol cosa sur le terra.

To avoid confusion, nos usa "GNU/Linux" a referer nos al distributiones del systema de operation qui include software GNU e le kernel Linux. Quando nos usa "Linux" sin le parte GNU, nos refere al kernel.

E que es le relation de iste software con un GNU?

Quando Richard Stallman comenciava a designar GNU, le principal systema in uso esseva Unix, que es proprietari. Perque GNU es similar in function a Unix (e compatibile con illo), ma es free software, ille cuneava le termino GNU, acronymo de GNU's Not Unix, i.e. GNU non es Unix. Il se tracta de un acronymo recursive. Si tu apprecia tal humor, consulta le definition de GNU Hurd.

Esque Linux es un marca registrate?

Si. Es prohibite vender non importa qual software sub le nomine Linux®. Le marca es le proprietate del Linux Mark Institute.

Esque Linux es le sol systema de operation libere disponibile?

No. GNU/Linux es de longe le systema libere le plus generalmente usate; nonobstante, il existe plure alteres.

Istes include le derivatos de UNIX FreeBSD, NetBSD, OpenBSD, le clon de BeOS Haiku OS, le clon de Windows NT ReactOS, le clon de DOS FreeDOS, e Syllable, pro citar alcunes.

Es macOS un distribution de GNU/Linux?

No. Il ha qualque componentes de software libere e iste systema es technicamente similar a systemas GNU/Linux. Ma in general, il se tracta de software proprietari: tote le questiones concernente Windowses applicabile tamben a illo.


Comprender le software libere

Esque "open source" e "software libere" es le mesme cosa?

Si e non. Technicamente, le grande majoritate de programmas de codice aperte es software libere e vice versa.

In terminos de ideologia, le cosas es multo differente. Le termino "open source"/"codice-fonte aperte" esseva cuneate pro render "software libere" plus attrahente. Su defensores considera open-source como un maniera melior de facer software.

Le defensores del termino "software libere" da valor al libertate, non solmente le maniera de construction de software, e dunque assere que le termino "codice aperte" manca le scopo.

Le termino que on emplea depende del proprie vision de software.

Proque alcun distributiones de GNU/Linux es vendite, e non gratuite?

Alcun sitos web de facto vende distributiones de GNU/Linux. Dunque, proque tu scribe que es "libere como le opinion e disponibile gratuitemente"?

Le concepto de software libere, refere a libertate, non precio. Tu ha le libertate de copiar, studiar, modificar e distribuer software libere.

Le major parte del companias que disveloppa software libere gania moneta per le vendita de servicios circa lor software, plus tosto que le software mesme. Isto es a vices facite per vender toto como un pacchetto: le cliente compra le CD, le libro e le contracto de supporto insimul. Le software pote continuar a garantir tu libertates.

Plus:

Proque alcun distributiones de GNU/Linux non es completemente libere?

Alcun distributiones de GNU/Linux es disponibile sin costo, ma include software restrictive. Proque?

Il ha generalmente tres typos de politicas concernente le inclusion de software non libere:

  • Qualque distributores de GNU/Linux permitte le software non libere a fin de permitter le functionalitate de certe hardware. Isto se produce perque alcun fabricantes de hardware, p.ex. NVidia, non se preoccupa del libertate de lor clientes, e publica solmente firmware e drivers con restrictiones (alcunes publica nihil, como Broadcom). Istes es disponibile in costo (gratis) ma sub licentias restrictive. Distributiones como Ubuntu include tal componentes pro meliorar le compatibilitate con hardware.
  • Alcun distributores de GNU/Linux non compromitte le libertate de software, e assecura que lor distributiones remane totalmente libere. Un exemplo de isto es Trisquel, le qual es un derivato de Ubuntu con tote le componentes restringente removite.
  • Alcun distributores de GNU/Linux combina le software libere e restrictive sin distinction. Tal distributores non prefere que usatores pensa de libertate, e prefere facer publicitate solmente pro le capacitates technic de lor producto. Usar tal distributiones non es multo melior que usar Windows. Le tue libertate conta pro nos, e nos recommenda que tu selige con prudentia!
Esque macOS es anque un systema de operation libere?

Esque tote le rationes pro evitar Windows se applica etiam a macOS?

Il es bastante commun que usatores de Mac crede que illes es exempte del restrictiones associate con Windows. Infortunatemente isto non es le caso.

macOS include certe componentes fundamental que es software libere; e Apple non particularmente vole limitar le usatores al proprie systema (con certe notabile effortios como BootCamp).

Nonobstante, le usator resta fundamentalmente restringite: a causa del licentia proprietari, ille/illa non pote usar macOS pro omne scopos, ni copiar, studiar, modificar o redistribuer lo.

Fortunatemente, pois que iste libertates es multo importante, il es possibile utilisar multe popular distributiones de GNU/Linux (como Ubuntu) sur computatores Mac.

Non es le usatores de GNU/Linux illes qui face discargamentos illegal?

Non es GNU/Linux centrate circa effraction electronic, "pirateria" e sitos web de discargamento illegal?

Non importa ubi tu legeva o audiva isto, tu deberea actualisar le tue puncto de vista. GNU/Linux es completemente distincte de tal cosas. Si tu vole facer los, o si tu prefere discargamentos intelligente e legal, GNU/Linux functiona tanto ben como Windows. Infortunatemente il es impossibile identificar un criminal per le marca de su auto; le mesme cosa vale pro su systema de operation.

GNU/Linux ha essite facite per gente qui non ama le idea que tote le computatores del mundo functiona sub le productos proprietari de un mesme compania. Il ha certemente nulle mal in isto!

Lege plus in le articulo: Como misinterpretar le software libere.

Esque GNU/Linux es un forma de communismo?

"Toto debe esser libere" e "Nemo possede alique" sembla assatis radical. Esque Linux e su licentia GPL es pro anarchistas o communistas?

GNU/Linux non es connexe a alcun systema politic e omne persona, non importante su opinion politic, pote usar lo. Nos ha explicate isto de forma simple in nostre articulo Como misinterpretar le software libere.


Installation de GNU/Linux

Esque GNU/Linux veni pre-installate in computatores?

Si. LinuxPreloaded.com ha construite un sito web pro iste scopo specific, listante le affaires que vende computatores, portabile e de scriptorio, con GNU/Linux.

Nota ben que il non es necessari comprar un nove computator pro usar GNU/Linux!

Pote io obtener GNU/Linux in mi lingua?

Si. Tote le principal distributiones, incluse illos que nos recommenda, es disponibile in le importante linguas del mundo, e supporta multe typos de claviero.

Contrarimente a Windows, tote le linguas es includite in cata CD de installation, dunque il non ha necessitate de discargar (o comprar) un altere version pro cambiar solmente le lingua in tu computator.

Es il legal installar GNU/Linux sur mi computator?

Ma il ha un vignette lucente de Windows sur illo! Esque il me es permittite rader Windows o usar lo insimul con GNU/Linux?

Si. Isto es absolute e completemente legal a condition, naturalmente, que se tracta del tue computator!.

Le vignette sur illo es pur marketing e non ha valor legal. Nos crede que il es un derecto fundamental haber le election libere del programmas a executar sur le proprie machina.

Ma iste derecto es menaciate per le emergentia de cosas como DRM e Trusted Computing. Lege nostre articulo "Mantener un societate libere" pro plus information.

Debe io acquirer un nove computator pro usar GNU/Linux?

Non del toto. Illo functionara con gaudio sur le tue computator.

Le sol area potentialmente problematic es le uso de hardware special multo recente, como cartas graphic. Alteremente, quasi tote le distributiones de GNU/Linux es usabile sur computatores personal normal (sovente appellate computatores "i386" o "x86"), computatores con processatores a 64 bits e computatores Apple Mac. Lege como essayar o installar GNU/Linux sur le tue computator, sia in loco de, sia al latere de Windows.


Le uso de GNU/Linux

Esque Microsoft Office functiona sub GNU/Linux?

Il es technicamente possibile adaptar Microsoft Office a Linux, ma Microsoft non vole que le usatores de Office pote eliger lor systema de operation preferite. Il ha altere problemas con Microsoft Office e apertura; per exemplo, le opposition feroce de Microsoft contra le formato OpenDocument.

Nonobstante, il existe un pacchetto de officio complete, libere e digne de fide: LibreOffice. O forsan tu prefere su cosino proxime, Apache OpenOffice. Iste programmas pote usar facilemente tote le tue existente files de officio in le formatos de MS-Word, MS-Excel e MS-PowerPoint, e illos es vermente libere (e gratuite). E illos es usabile sub Windows tanto ben como sub GNU/Linux.

LibreOffice.org   OpenOffice.org

Esque io pote vider mi DVDs e ascoltar mi MP3s sub GNU/Linux?

Le responsa simple a iste question esserea "si", ma isto es solmente le medietate del veritate.

Un numero considerabile del distributiones de GNU/Linux non include programmas pro lectura de MP3 a causa del situation de patentes circa le formato MP3. Iste problemas de patentes non ha influentia directe sur le usator, dunque le major parte del distributiones permitte installar facilemente le software necessari pro MP3 via internet post le installation del systema. Isto permitte facer sonar files MP3 legalmente, pro scopos non commercial.

Le DVDs, al altere latere, es in un situation plus difficile. Quasi tote le DVDs es cryptate con un systema appellate "CSS". Existe un programma libere multo popular, libdvdcss, que es capace de decryptar le videos DVD. Nonobstante, contornar le restriction sur DVDs es illegal in multe partes del mundo, incluse le Statos Unite e le Union Europee.

Existe un solution legal pro reguardar DVDs sur Linux in localitates ubi libdvdcss es illegal. Le compania Fluendo ha disveloppate un application (non libere) pro iste scopo le qual pote esser comprate in su sito web.

Le DVDs non cryptate, per exemplo le major parte del DVDs facite in casa, pote esser legite perfectemente con software libere.

Esque io pote jocar le popular jocos 3D sub GNU/Linux?

Si e non, alcun jocos, per exemplo le series de Quake, Rust, Counter-Strike, Tomb Raider, Portal, Left 4 Dead e multe plus de jocos ha versiones pro GNU/Linux. A partir del publication del platteforma popular Steam in le systema de operation GNU/Linux, le numero de jocos compatibile ha augmentate rapide. Verifica le magazin de Steam ubi tu pote trovar un tresor de jocos de bon qualitate e compatibile con GNU/Linux.

Le major parte del jocos popular, regrettabilemente, functiona solmente sub Windows e occasionalmente sub macOS. Alcun jocos pro Windows pote esser executate sub GNU/Linux con le adjuta de Wine o su variante non libere CrossOver, le qual exige un effortio displacente pro le usator. Pro un lista de jocos que functiona sub Wine, vide su base de datos de jocos.


Altere questiones?

Si tu ha un question que non es coperite hic, il ha multe communitates que pote adjutar te. Nostre section "Plus" adjuta a trovar le bon loco a poner questiones.

Si tu pensa de un question frequente que nos non ha ancora respondite, per favor, dice nos lo, o submitte un reporto de bug.