Essayar o installar

Face le transition! Tu pote comprar un computator con GNU/Linux pre-installate, o tu pote facer le experientia del libertate in vostre computator actual.

Essaya lo: le CD in vivo

Non prende alcun risco

Le uso de un CD in vivo significa que Linux essera executate in tue computator sin installation de qualcosa. Isto es un maniera sin risco de essayar e facer le experientia de GNU/Linux

Executante un CD in vivo, vostre computator usa solmente le CD-ROM pro functionar (sin acceder al disco dur interior). Vos pote lancear tote le programmas pre-installate, modificar documentos e navigar per le web.

Iste maniera de uso es solmente pro essayar le systema, e es un poco lente (le initialisation prende cinque minutas, e le programmas se lancea alquanto lentemente). Si tu decide a installar le systema, illo functionara multo plus rapidemente.

Requisitos

Pro usar un CD in vivo, vos require un poco de curiositate e dece-cinque minutas de tempore libere, ma nulle expertise de computator es necessari. Si vos vos senti confidente usante Windows de tempore a tempore, alora isto es ben facibile pro vos.

Installation "dual boot"

Selection de systema al initio

Es possibile installar GNU/Linux insimul a Windows. Isto vole dicer que vos videra un schermo de selection quando vos aperi le computator, le qual permitte lancear le systema de operation que vos prefere.

Un systema de lanceamento dual pote esser utile si tu ha besonio de tempore pro abandonar le software restrictive. Isto non es difficile a configurar, ben que il es mesmo plus facile rader Windows integremente.

Requisitos

Le installation de GNU/Linux sur vostre computator prendera minus de 30 minutas. Le processo non es facile pro le novicios, ma si vos usa computatores cata die, illo es probabilemente ben facibile. Si vos ha jam re-installate Windows sur vostre computator, sia assecurate que le installation de GNU/Linux non es plus difficile.

Obtene le CD necessari

Pro le distributiones qui nos recommenda, le CD vivo es le mesme qui le CD de installation. Tu pote discargar un imagine ISO (file multo longe) e crear un USB initiable (recommendate) o gravar lo in un CD (poterea esser necessari quando GNU/Linux es installate in un systema ancian le qual non pote initiar ab USB). Dunque tu pote usar lo pro installar GNU/Linux in tu computator.

Fedora Media Writer es le maniera plus facile de testar o installar Fedora.

Le Installation de Trisqueles multo similar a illo de Ubuntu.

Nota ben: Le CDs que vos compra e illos que vos discarga es identic! GNU/Linux es software libere. Tu paga solmente un taxa de tractamento/expedition.

Software libere pre-installate

Non tote le computatores veni con Windows. Si tu non vole facer le installation tu mesme, o si illo necessita un nove dispositivo, tu pote obtener un computator portabile o de scriptorio con GNU/Linux pre-installate. LinuxPreloaded.com ha compilate un lista de venditores que pre-installa GNU/Linux justo pro iste motivo.