Restrictiones

Es un error commun inter usatores de Windows e Office pensar que illes es proprietario de lor software. De facto, il ha un numero de obligationes juridic attachate a illo.

Tu non ha completemente legite le licentia? Nos lo ha facite pro te.

Le micre litteras in le contracto

  • Windows e Office es licentiate, non vendite.

    Nemo pote comprar Windows o Microsoft Office. In loco de isto, le usatores compra un permission de usar los. Le licentia describe le terminos de iste permission. Isto es le texto juridic restrictive que vos debe acceptar durante le installation.

  • Vos debe abandonar multe derectos a usar le software.

    Il ha un numero de restrictiones que vos debe acceptar juridicamente. http://getgnulinux.org/ia/windows/restrictions/further_detailsRestrictiones sur qui pote usar le software, sur le typo de profito que on pote ganiar con illo, sur le methodo de installation, sur le vita private, mesmo sur le possibilitate de donar lo a altere personas: le lista es longe. Leger le licentia e enumerar le derectos que te resta es illo mesme un carga difficile.

  • Un programma distribute per OEM non pote esser transferite a un altere computator.

    Si vos ha comprate vostre computator con Windows o Office pre-installate (le si-dicite licentias OEM), si vos cambia de computator, vos debe comprar le software de novo. Le licentia es ligate a un computator unic e expira quando le computator mori. Il es illegal transferer le software a un altere computator.


Visitante le major parte del sitos de software libere, post alcun clics, vos trovara le [GNU] GPL, le licentia X, le licentia Apache, etc. - qualcunque terminos e conditiones que vos debe acceptar pro usar ille software.

Per contrasto, con un compania de software proprietari, le licentia es obscurate de sorta que vos non pote leger lo usque post que vos ha pagate pro le producto, e alora on vos demanda de disactivar un parte de vostre cerebro, de disactivar un parte de vostre capacitate de collaborar con altere personas e de facer negotios durante que vos usa lor software.

Don Marti, Interview de 2005

Le signification detra

Companias como Microsoft ama assimilar lor software a productos physic, quando on mentiona le infraction al copyright, per exemplo. Nonobstante, le software proprietari es multo differente a causa del licentia restrictive. Tal restrictiones serea inconcipibile sur un auto o bicycletta, per exemplo.

Le restrictiones sur le uso de Office e Windows es tanto grave que multe violationes occurre cata die circa nos. On se senti tentate a comprar solmente un version de Microsoft Office e installar lo sur duo computatores. On retene su version de Windows quando on jecta le computator. On dona su version de Windows de secunde mano quando on cessa de usar lo.

Ma tu ha un alternativa a infringer a iste lege, o sentir te multo restringite quando tu obedi a illo. GNU/Linux es Software Libere (multo melior que simplemente software gratuite): su licentia GPL les concipite pro proteger tu derectos.

Lege plus